Bhí oíche mhór in óstán Chaisleáin Óir Anagaire dé Sathairn nuair a seoladh dlúthdhiosca de chuid sheanchas Sheáin Néill ó Rann na Feirste ag Bríd Anna Ní Bhaoill. Bhí scoth na gceoltóirí agus na bhfile i láthair le hoidhreacht mhuintir Sheáin Néill a cheiliúradh. Bhí an halla mór plódaithe ó chúl go doras agus an ócáid á craoladh beo ar na meáin shóisialta chomh maith. Bhí Meitheal Pleanála Teanga an Iarthuaiscirt iontach sásta tacú leis an togra fiúntach seo.